تعال ياساس المحبه ياابو قلبً حنون
تعال لبيوت القوافي وشوف إعجابها
انكانك انت تحبها طبعاً هي تحبك جنون
طيفك هو المفتاح لقفولاً تحْكم ابوابها
لادق هاجوس القصايد وغنيت اللّحون
تراك فارسها على ماقيل وانت اولا بها
لاوالله الا انت المبّدا على كل الظنون
يانشوة الروح الشقيه وياهندابا
بنات فكري فتدوتاَ لك وفدوه للعيون
عيونك اللي عذبتني بطول اهدابها
وشهوله اوصفك؟.. تدري قل تمون
باجيب نبذه عن وصوفك وكيف ابدابها
ابدا بطيبك وانت طيّب ماتبي للطيب عون
والا بعزة نفسك اللي صاحبك يرضابها
والا بزينك يالطيف الروح ياالشخص الفتون
اصل انت فتنه للبشر من يوم ربي جابها
ياابوجعودٍ ضافياتٍ على حد المتون
من لونها تذهب سواد الليل مايحلا بها
وخصراً ليا منك زويته تبتدي كل الطعون
في قلب من حبك تزيد ويحتمي مضرابها
ومشياً تبختربه على هونك بهون
كنك تعد خطاك في قاعاً تبي تاطابها
ياحي زولك زول من غنا على خضر الغصون
زول الحمام اللي لحونه ساحره غنا بها
وهمسات صوتك تجلي هموماً على قلب مغبون
تعزف وتر حساس في سمعي وانا طلاّبها
أيو الله انك ساس حبي وشعري والفنون
تحلى القصايد يوم اكتّبها ويوم اقرابها
في غرتك وجه الحياه المقبله من كل لون
وفي ضحكتك يجلى ظلام الكون مايلقا بها