ارسل سلامي لك ليا هب هبات
نسناس تال الصيف والجو زيني
يجيك طيف(ن) يوم يسري بلهفات
قلبك على طيف الاحبه فطيني
قولي : ( هلا ) لاجاك واعطيه قبلات
كنك بي تهلّين وتقبليني
حسبي على بعض الليال الشحيحات
بيّحت فيها كل خافي كنيني
عشاق والعشاق ماله حسابات
وما يحاسب العاشق سوى الجاهليني
والعذر : ليل وشوق واحيان عبرات
خوفوا من الرحمن ياعاذليني
وان ماعذرتوني فلا اقول : هيهات
بس الحبيبه وحدها : ( سامحيني )