يا صاحبي لو جت على ضيقة الخلق
ياكثر ما صكت عليه وضاقت
كم مرة (ن) ضاقت على الخاطر الطلق
وكم مره اجيوش الهموم استباحت
تصدق انها احيان توصل الى الحلق
ولولا الخجل من نظرة الناس ساحت
عيش الحياة وجامل الوقت والخلق
ما خسرت الايام لو عشت ساكت
خذ الحلا لا راقت ايامها وألق
مر الليال ان عبست واستدارت
ترى الحياة احداث ودروبها زلق
وما عمرها الايام في حال دامت
ان عشتها مرتاح وان عشتها قلق
الرابح اللي ينعدل كان مالت