14-10-2009, 10:59 PM
|
|
يانجد
لله دركّ يالهجوس الليّ مع الطرقة خوي
لله دركّ ماغمض جفن العيون وماغفا
وانا تجيني فكرتي مثل القراح المستوي
عد ٍ بنجد وخابره كل عام يلزمني وفا
ماهي بلحية خلها ماتسمع الذيب يعوي
جر العوى وانا معه جريت رجلي بالصفا
أسوق طاروق القصيد وخاطري مايرتوي
يشق جلمود الصخر وانا ارتوى قلنا كفا
انا على الموعد حضرت وماقفي دايم قوي
ماجيب غير الوافيه على النقا ماهي خفا
انجيت في عز أبدوي وان رحت في عز أبدوي
عزيز من ربع ٍ لها مالله عليم وماخفا
هاك الكتاب وقلبه شف داخله وش يحتوي
غير الشموخ وشجرة ٍ في ضلها عز ودفا
مامن مسافه تمنعه يقطع ضريم المهتوي
هذا الخفوق الليّ نطق ماهو غرور ولاجفا
سلام والخاطر ذهب على الصعيد المعنوي
سلام مسلم يدفعه للطيبّه فعل الوفا
أبصر بعينك يافتى أم الكبائر ماتغوي
وترى التواضع منزله ماهي مع الكبر حلفا
فن طاب حضك بالزمن دورّ مع الطرقه خوي
والعمر تطويه السنين وكم عصر قبل اختفا
سبحان رب الكائنات من بأمره النجم يهوي
اللي ّ خلقنا أمهُ نتبع نبي ٍ مصتفا
شفيعنا يوم الحشر على السراط المستوي
عليه صلوا واسلموا عد السلام ومالفا
سالم الوهبي
|