عرض مشاركة مفردة
  رقم المشاركة : [ 1  ]
قديم 14-10-2009, 09:42 PM
(الفارس)
عضو فضي
الصورة الشخصية لـ (الفارس)
رقم العضوية : 7174
تاريخ التسجيل : 12 / 4 / 2009
عدد المشاركات : 783
قوة السمعة : 17

(الفارس) بدأ يبرز
غير متواجد
 
الافتراضي ليه المساء عوق الشقاوي وطبه


ليه المسا عوق الشقاوي وطبّه=وليه الهبـوب تصحي القلب لا بات
وليه القمر يدعي جريح المحبّه=ويقول له يا هيه .. ما فات .. ما مات
جرحك ظهر لو قلت للوجه خبّه=وللحزن في ضحكـك رسوم وعلامات
وليه المطر بالذات ريحه وصبّه=كنّــه رسول بين الاحباب بالذات
اشتاق فيه لشوفتك واتنبّـه=للي نسيتــه من مواقف ونظرات
لا استانس الخافق ذكر من يحبّـه=ورجع يراجع فالوناسات ما فات
يا مرتع القلب الحزين ومربّــه=يزيين بــك مثل الذهب صدر الابيات
هيهات ينسى القلب شخص ٍ لعبّه=وهيات يدلهـ خاطري منك هيهااااات
سبك مديح ومدح غيرك مسبّه=تقول واذني صوتها تقول لك هات
ونبع الغلا عندك وعندي مصبّه=ومن الولا .. في خافقي لك .. ولاياات
وطيفك حطب عيني .. وعيني مشبّه=والشوق برد ٍ ما انقطع لو للحظات
ومكانك الصدر ولك القلب شبّه=بين الظلوع اللي فردها التنهات
ولك بيرق ٍ فالقلب حبك يهبّه=شامخ ولا هزه من العذل غارات
محبتك فالوقت ذا ما تشبّه=الا بخيمة بدو بين العمارات
ان شفتني ضايق واهوجس واسبّه=اخاف غدر الوقت .. والوقت دورات
لا تحسب ان دمعي نزل دون سبّه=ابكي من الفرقا وهي مابعد جات
اليوم كل امورنا .. مستتبّه=وبكره ماندري وش معه من مسرّات
اربّ قلبك مثل قلبي اربّه=ما يخلفه شور العرب والمسافات


اتنمى ان تنال اعجابكم

الموضوع الأصلي: ليه المساء عوق الشقاوي وطبه | | الكاتب: (الفارس) | | المصدر: شبكة بني عبس


آخر تعديل بواسطة (الفارس) ، 14-10-2009 الساعة 09:47 PM.


توقيع (الفارس)