اقتباس من مشاركة اخوصلــــفه
السلام عليكم ورحمة اللة وبركاته
صباح الخير للجميع:
غبنا وعدنا على هداج=عد الروى مروي الضامي
من بعد سجه وفل حجاج= ومفارق المدن والزامي
بين الفيافي بدون ازعاج=مارحت للغرب والشامي
عدنا ونور النصر فلاج=مثل الفجر زاح الاظلامي
ياعد قلي بدون ازعاج=عساك من بعدنا نامي
وعسى البدو ذكرهم وهاج=ماشلعوا هاك الاعلامي
قال:ياللي تنشد بعد مسهاج=الورد من عقبك حيامي
ولاداج من عقبكم دواج=ولاشيف بايع وسوامي
كل مضى يالله المخراج=حتى بعد روس الاقلامي
احد مشاغل واحد مزاج=واحد تولته الاوهامي
جاك الخبر واقفل المزلاج=عن كل هارج ولوامي
قلت:ياعد مانيب انا هراج=ولانيب واشي ونمامي
ولانيب غادي ولامحتاج=من فضل معبود الانامي
ياعد هذا الخبر منباج=ياحيف يابعض الاسامي
ياليت نلقى بدل منهاج=ياعد في باق الايامي
|
عليكم السلام ورحمة الله وبركاته
ياهلا والله ومسهلا يارحب والف رحب
يالعمدة2 عودا حميدا تو ماتلالات قلعة المجد والتاريخ بقدومك الكريم
صح لسانك صدقت الموقع طافي من يوم ماغبت وتو مانور بوجودك
تقبل فائق تحياتي وتقديري
اخوك نائب العمدة الثاني / صميدع راس