[أحمد عبيد الهنيدي]

[align=center][tabletext="width:70%;"][cell="filter:;"][align=center] بسم الله الرحمن الرحيم [/align][/cell][/tabletext][/align]
[align=center][tabletext="width:70%;"][cell="filter:;"][align=center]

السلام عليكم ورحمة الله وبركاته

إليكم هذه القصيدة :

[/align][/cell][/tabletext][/align]



[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ليا مشيت من الشمال ويمّـتك رايح جنوب =حائل وراك وجهتك بالضبط لديار الرسول

ليا تعديت الحليفة كم كيلو وأنت صوب = نفس المسار احرص وركز معي واسمع وش اقول

تجيك لوحة (( قارمة )) يمين وجهتها غروب = عشرين كيلو بعدها لا هو يزيد ولا هو حول
بالضبط والتحديد والله يلعن الشخص الكذوب = احرص على اللوحة تراها واضحة قبل النزول
لوحة بشكل أزرق كتابة خطها أبيض ما يذوب =ضد العوامل صممت والخط فيها ما يزول
ديرة بن بويدي سقا ها الغيث من صدق النصوب = تلقى اسمها مكتوب جنبه سهم يئشـّر للدخول
ليا نزلت يمين وانت موجه ٍ يم الغيوب =وجهة ديار ابن بويدي والمعزة والاصول
حياك ربي في ديار الفارس الشيخ الرحوب =يامرحبا بك في ديار اهل الكرم وأهل القبول
اقلط وتلقى بمقدمك شيخ ٍ يرحب ومحبوب = يفرح ليا شاف الضيوف ولا تثنيه الحمول
كريم ذايع صيت راسه بالكرم راس معصوب =شيخ ٍ من أحفاد الشيوخ أهل المروة والعقول
وإلا على أطرف بيت وقف مجلسه ما هو محجوب =حنا مجالسنا تفتح مالها باب وقفول
هذي عوايد عزوتي من يومها كسب وحروب= الحمد لله علمنا غانم من أيام الخيول
سلام يا (( الدابية )) أسقاك السحاب من النصوب = دار البويدي نصرة المظلوم ورجال الأصول

[/poem]

الشاعر : [blink]أحمد عبيد الهنيدي[/blink]

الموضوع الأصلي: الدابية ( ديرة ذوي بويدي) | | الكاتب: أحمد عبيد الهنيدي | | المصدر: شبكة بني عبس