هلا والغلا في داخل القلب لـك مرسـوم
وفي داخله حطيـت صورتـك باركانـه
سجل الزياره كلهـا باسمـك المعلـوم
وقفله علي البصمه مصمم علي شانـه
وأنا ماشي بدربٍ كتبلي وهـو مقسـوم
وأنا مسيـرٍ ماأختـرت للقلـب سكانـه
ألا ياهلي مهلاً أنا اللـي علـي اللـوم
على لمحتي له شـرع القلـب بيبانـه
أحسبٍ إن غلاه أيزول يوميـن ولايـوم
وأثر كل يـوم يزيـد مابـان نقصانـه
محبه غلا تقدير حشمه وهـو محشـوم
وله قدر في صدري . . ثقيـلٍ بميزانـه
تدلل .. تدلل .. ماتبي جاهز ومحسـوم
وتربع وسط قلبـي بروضـه وبستانـه
وياعاذلي بالله تـرى خاطـري مهمـوم
ترفـق علـي قلـبٍ إميـنٍ لخـلانـه
وإلي زدت في عذلي يزيد الغلا ويـدوم
وأنا غالي(ن)عنده وأنا أغلا من أعيانـه
أنا في رجا الله يجمع الشمل وأهنى النوم
وتهنـى عيـونٍ ليلهـا دوم سهرانـه