عطيني الحل فـي تفريقتـك يالهمـوم
شموع الفرح في عيوني دايـم مظللمـه
حتى المجالس بحسب المعتقـد والسلـوم
أحيان تجرح عـروق القلـب وتثلمـه
اقلط ولامن ذكرته قمت قلـت معـزوم
عـذرن ليـا ذكرونـي دايـم مولمـه
أرتاح لحظات يوم آخذ جهازي وأقـوم
وأكـرر الرقـم ليـن يـرد وأكلـمـه
دافع غلا وان نشد عن صحتي والعلـوم
أحاول أصـرّف الموضـوع ماعلمـه
مـاودي ابيـن الخافـي لقلبـن كتـوم
وأقـول مايدمـي فــواده ولاألـمـه
ماقلتله صرت هرجه سولفتها الرخـوم
حتى حكاها أصقـه الصمـان لمبلمـه
ولاودي أقول صبري من بعدك معـدوم
وحبك رقى مع ضلوعي وأصبحت سلمه
حتى تمكـن بقلبـي وابتـدا بالهجـوم
وأنـا أطلـب الله يديمـه والله يسلمـه
كل القضيه بتفريـق الطفـش يالهمـوم
شموع الفرح في عيوني دايـم مظلمـه