13-10-2009, 02:24 AM
|
|
لايهمك كلام مدورين العلوم
لايهمك كـلام مـدورين العلـــوم
عالم(ن )ياحبيبي نايمه ماصـحـت
بينهم لو طلعت من السهل لارجوم
كل ماضاقت الدنيا عليك افرجــت
الله أنه يلوم اللي لمثلك يلـــوم
كان بعض الليال ظروفها ماسمـحت
طار عنها القناع وعانقـت لنجوم
والليالي وبيـض أيامها ماصــفـت
تشكي الظلم وأنواع القهر والهموم
وأرسلـت لي تهل دمـوعها وجرحـت
تحت شمـس الظهر والا لهيب السمــوم
أمرحت في فوادي قبلها وأصبــحـت
كيف تبراء جروحن بين ليله ويــوم
لوتعالج من أسباب الهواء مابرت
يازمان الوفا والصدق فيه أمعدوم
كيف بوفي مع ناس(ن) معي ماوفت
جفين ناصر - عيد الوطن
|