[سالم الرشيدي]

السلام وعليكم
هذه قصيده
أولدها ما رأه شاعرنا ذيبان في موضوع قمت بإنزاله في حادثة الجهراء المؤلمه
وحبيت تكون في موضوعٍ منفرد

الموت زلزل .. بالعباد المجاريح = والهم درهم .. واتضحلي جميعه
وأبديت أنا من خافقي .. هالتصاريح = في ساعةٍ .. منها يشيب الرضيعه
علمٍ رأيته .. يالرجال الطحاطيح = من شوفته .. عفت الكرى والوسيعه
نارن .. تلظت .. والخلايق مفاريح = واستفردت بالخلق .. غدر وخديعه
شبت وهبت .. واستدارت مع الريح = واستدبرت .. من بعد وقع الوقيعه
من عقب ماخالط .. رمدها مع الشيح = قفت عن العالم .. بخطوه سريعه
واجلت معاها .. لابسات المشاويح = وأفذاذ قومٍ .. مادروا بالقطيعه
لولا الملامه .. لرفع الصوت وأصيح = واخالف احكامٍ .. مضت بالطبيعه
وأسج انا رجلي .. على هيف السيح = وابدل علومٍ .. لفتني شنيعه
مير الولي ..حكمه يهد الزحازيح = الواحد الي .. نرتجيه ونطيعه
الي له نصلي .. فروض وتراويح = والي على عباده .. فرض هالشريعه
والموت حقٍ .. له نياقٍ مساريح = ولا لي على رده .. وصده ذريعه

وهذا الرابط
http://bani-3abs.net/aa/showthread.php?t=65081&page=2



أسأل الله العظيم رب العرش القديم
أن
يرحمهم بواسع رحمته .. وأن يدخلهم جنته
وأن
يبدلهم دار الفناء .. بدار البقاء

الموضوع الأصلي: نزف ذيبان بحادث الجهراء | | الكاتب: سالم الرشيدي | | المصدر: شبكة بني عبس