محاورة بين الشاعرين عبدالعزيز دحيم الرشيدي وحمدان العصيمي العتيبي موووووال
حمدان العصيمي:
جينا لعبس وعنينا
من الحجاز ولقينا
والله ونعم الرجال
حسن الكرم والضيافه
كني بقصر الضيافه
ماقدر الله يصير
سلاام ياللي لكم سمعه وصيت--قبيلة عبس الاول جدها
ياشاعر القلطة اللي بالكويت=اقصر يمينك لاعاد اتمدها
عبدالعزيز الخياري:
باسم الرجال الكراما
يامرحبا بالنشاما
من بعد حل المجال
وانته ونا بالبلد
والمد حسب العدد
ماقدر الله يصير
يامرحبا بعد بالحفلة لفيت=ترحيبة مايقصر مدها
انا رشيدي على العزة ربيت=يمناي شرواك صعب يردها
حمدان العصيمي:
عبدالعزيز الخياري
شاعر طارله طواري
من ماضيات الليال
لكن يحرم ويحرم
يفوق جمهور الاشرم
ماقدر الله يصير
انا ليا احتجت دورت ولقيت =واليا بدتلى لزوم اسدها
غزيت لكن كنك ماغزيت=اغسل قديميك وادفن حدها
عبالعزيز الخياري:
جمهور الاشرم كثير
معروف طبعا كبير
مافي كلامي جدال
وانته قصير لشريم
لكن مالك خصيم
ماقدر الله يصير
وانا بمكه بعد طفت وسعيت=نفسي مع اهل اللزوم اعدها
الله واكبر عليكم ياثبيت=ضيعتم السيف قل وش ندها
حمدان العصيمي:
انا ادري انك شجيعي
لكن خلك طبيعي
واترك سفوح الجبال
انت شباب امتهور
وان طحت يمكن تعور
ماقدر الله يصير
اخذت من عبس لكن وش عطيت=اثر كبار الحصون اتهدها
دريت بالعلم ولا مادريت =ترى المطية وسمنا خدها
عبدالعزيز الخياري:
خلك معايه كذا
واترك طريق الاذى
والعن خبيث العمال
من بعد راحت عليك
لعل تسلم يديك
ماقدر الله يصير
اعطيتهم شعر يحفظ بيت بيت=واحما المواقيف وانا قدها
منقووووووووووووووووووووول