الصمت في عيونك به اسرار و تفاصيل
لك كم سنه وانت تْتسلى في دفا الصمت
مدري وش اللي يشغلك في تالي الليـل
من رتب اوجاع السهر في ليلك ان نمت
يمكن تبقى لي اثـر مـا مسّـه الويـل
والا انتهت بك قصّتي من يـوم سلّمـت
حاولت اوصّل لك حنينـي بالمراسيـل
ولا لقيت اللـي يوصّـل مـا تحلّمـت
لجل آخذ أخبارك تبعت القال و القيـل
لكنّي ارجع للصفـر كـل مـا تقدمـت
من وين بعرف دربك ولاعنـدي دْليـل
ان كنت لي ولهان قلّـي لـو تكرمـت
مرات احس انك على صمت التعاليـل
تتبع خفايا خطوتـي بالسـرّ ان همـت
الحدس في غفله حضورك شي ٍ جْميل
مدري صحيح اللي حصل والا توهمت
الحزن في صدرك كتم ضيق الغرابيـل
مااظن ينفعـك الهـوى لامـن تكلمـت
خلّك على صمت الدفا غارق بك الليـل
ماحدٍ يحس باللي جْرحك مهما تألمـت
وانا بعد بنسى همـوم ٍ هـدّت الحيـل
لأني نويت أغرق معك في لذة الصمت