اليكم جديدي عسى أن يحوز على رضاكم ... بدون مقدمات النص اليكم وفيه أقول :
الصاحب اللي رحل والشوق ماهده = صعبه علينا ترا ياشوق نسيانك
ماكنك اللي خذيت الود من وده = ولاكنك اللي عرفت الشوق باعيانك
والشوق باصاحبي ملعون ابوجده = لولاه ماسقت رجليني على شانك
ولولاه مايختلف جزره على مده = ولولاه مانسمع الونه على لسانك
ولولاه مابيح المخلوق في سده = ولولاه ماكثر المخلوق باحسانك
ولولاه ماسالت الدمعه على خده = ولولاه ماشفتني طقيت بيبانك
ولولاه حتى الصبر ماوصلوا حده = ولولاه ماسلمن رمشك وحجانك
ولولاه ماسلمت يدي على يده = ولولاه مايلعن المفتون شيطانك
وياقلب لا تشتكي مادامني قده = ماعاد تنفع ليال الشوق نكرانك
ودامك معزم على الهجران والصده = أذكر جميل الوفا والخير عنوانك
شعر : جميل مساعد