[قسورة الغاب]

اقتباس من مشاركة مايسترو مدريد [justify] صباح الخير ... للجميع و الله يا سعد قلبي أذا كنت متواجد بالمنتدى و شوفت بني عمي و الله اليوم أبيكم تساعدوني بقصيدة و تكون على الجرح أبيها عن واحداً أخوه يبي يسافر للخارج للعمل و هو الرجال حزنان على فراق أخوه و قلت لابد أشوف لي قصيدة من قصايد بني عمي و أهديها لهم ... و أنا على أنتظار ردكم .... لا خلا و لا عدم المهيمزي

طلبك غريب من نوووعه يالمايسترووووو
بس بــما انك نصـــيت بمطلبك هل
الفزعات والنخوووه بطل
العـجب فـي سؤالك
وابــــشــــر
بالسعد

يجف بحر الكلام وتنظح العين = من وقع رفت جناحين الوداعي
والقلب كنه مقدد بالسكاكين = لا جهزو للسفر حبل المتاعي
وشدو به حمولهم خلاص ماشين = وعوة بصدر الامل شهب السباعي
وقفت مالي علي الفرقا معاوين = ماغير دمعي وحري والتياعي
ياخوي ليت الموادع يووووم يومين = والا ماجالك علي الغربه مساعي
ان كان ماصار همك بالشرايين = ولا دعا دمعة العينين داعي
ابيلك الخير لكن بعدكم شين = ويزيد من طاري الفرقا رواعي
لكن مالي علي فراق المحبين = قدره ولاني علي امر الغيب واعي
لو قلت خل السفر ياخي بعدين = ياخي فرقاك فوق المستطاعي
وتردلي بالسلامه والله يعين = علي ليال المفارق والوداعي

تقبل تحيات اخوووك القسوره
والمعذره عن القصووور كتبتها علي عجاله