باسمي واسم ربعي بني عبس الاخيار
اهل الكزم واهل الدلال المباهير
ربعن لهم ميقاف بالموقف الحار
ولهم قدر بين القبايل وتقدير
محشمين الضيف وتداري الجار
موفين بحقوق العرب دون تقصير
تعطي الحقوق وتاخذ الثار بالثار
بالعز واقوا عاليات الشناظير
اعيال قاسم راعي الخيل والكار
احفاد عبس مفرقين الطوابير
منا لبو متعب نهني بالاشعار
وسلطان ولنايف نسوق التباشير
ولسيدي سلمان والشعب والدار
ولمحمد المطنوخ نسل المناعير
حرولد حر مجاذيبه احرار
ساس الرجال اهل السيوف البواتير
راع الشجاعه صامل القلب جبار
يحط في عين المعادي مسامير
حكيم وسياسي لعمين الابصار
صليب راي يشاور الناس ويشير
لاحتار غيره حلها دون يحتار
يحل عقدات الامور المعاسير
يحارب الفتنه بتخطيط واصرار
حارب طغاة الشر نفاخة الكير
له خططوا وانجاه علام الاسرار
الواحد اللي بالسماء رافع الطير
كادوا ولاكن كيدهم بالنحر صار
وبالاخره باذن الولي في زمهرير
فجيعة يوم اعلنوها بالاخبار
شين يحير كامل العقل تحيير
واكبر فرح رجعتك ياواف الاشبار
في شوفتك كل الصعايب تياسير
كلن من الفرحه بعد رجعتك طار
الله يديمك ذخر ياراعي الخير
نغليك ولك بداخل الصدر مقدار
قدرك مايوفيه الشعر والتعابير
لجل الوطن ياسيدي نرخص اعمار
نفداه لودونه خسرنا مخاسير
حب الوطن داخل عروق الحشاء سار
الله يدمر خاين العهد تدمير
وتمت وصلى الله على سيد الابرار
اعداد همال المزون المزابير