يامحبي ياوليف الروح ياقطعة فؤادي
انت غالي والموده بيننا ماهي بسيطه
لاتشكك في غلاك وانت من رغبة مرادي
شوف قدرك والمشاعر من نواياهاخليطه
انت لو تشر بكفك جيت لك مشعل زنادي
والا غيرك لو بغاني جاني يسحب له وسيطه
كل غندوره تعذلك همها تكسب ودادي
لايهمك حقد حاقد وانتقادات العبيطه
همهم ودي وودي لغير شخصك مايقادي
همهم يومٍ حكولك يشطبوك من الخريطه
ناس ساد الحقد فيها مايعرفون المبادي
ظلهم طاغي ولكن ظلهم من ظل حيطه
يامحبي كان عندك شك فيني لاتنادي
وانت عارف روح خلك دونهم روحٍ نشيطه
كنت هادي قبل عرف الحاسد ولازلت هادي
روح عذال الموده يامحبي مستشيطه
خلك اشبه بالسحاب المعتلي عن كل وادي
لايغرك عاذلينك والامل ماضاع خيطه
بس خلك ياوليف الروح ياقطعة فؤادي
مخلصٍ لي والموده بيننا ماهي بسيطه