أطحن شعوري في رحى الشعر وأبذر
................. في تربتي ! لأجلك ترى مو عشاني
طاح الربيع ! وغصن الأحساس يكبر !
................. صحى البلابل وأبتدت بـ الأغاني
يا راهبة بالحب ! أنثى وأكبر
................. أمن الأنوثه ! والغنج والحناني
من علبة ألوانك أبي لون : أخ ضر !
................. ودي ألون هـ الطرق والمباني
هذي عيوني ودها يوم تنظر
................. دربي ! تشوفه عشب كاسي مكاني
قبلك أحس الوقت قاسي وأقشر !
................. بعدك ! أحس اليوم كنه ثواني
بحرً وفيك الحب مركب ويبحر
................. جدفت ! وأنتي لـ المراكب مواني
تدرين ليه أحب أنا اللون ( أح ـمر ! )
................. من وجنتك ! فيك الخجل شي ثاني
ماهو تلعثم أو هرب مو مبرر
................. فيك الخجل حضنً لـ صدرك خذاني
أنتي أمل ساري تناثر وأنور
................. كوني ! وطفى نور كل الغواني
عشانك أنتي خلي الحب يزهر
................. مو بس عشانك !
:
:
:
:
:
:
:
:
:
:
:
يا حياتي عشاني !