قلت تكفى قال تكفى توفت من زمان
جملة ن راحت مراح الجدود الاولين
قلت تمزح قال جرب وعلمي لك يبان
صح وقل تكفى وشف كيف ردالجالسين
قلت طيب وش ذبحها وقال الامتهان
صاركل ن يمتطيها ولا تلقى عوين
قلت كانت قال كانت ولا ينفعك كان
فعل ماضي وانت حاضرك عن ماضيك وين
قلت مدري قال تدري وانا دري لك مكان
بس ترمي هاجس العجز ف وجيه السنين
قلت كيف وقالي كيف ياكثرالجنان
وعقب ماقفى لد يمي وقال الصبر زين
وانجلى غيم الهواجيس والفكر استبان
بين هم ن ماتركني وقلب ن مايلين
قلت ياليل المشاريه بان الصبح بان
والمدى بصدور الايام والفزعه تبين
العيون اللي سراء ليلها تركع بامان
ترجي الرحمه من الله وتسأله اليقين
والعيون اللي سراء ليلها ياليل دان
ماجنت غير القنابل ولوعات وحنين