كم قرَيت أبيات تحكي عن غيابات وْمدينه
عن أماكن تِنْتِظِر في شوقها رَجْعَة حبيب
كِنْت أضْحَك لا سمَعْت انسان فاقد له سنينه
واتساءل بس ما القى من بإقناعٍ يجيب
لين ما جاني زمانٍ غَيّب الإيد الأمينه
عن حياتي وْصِرْت أسْأل: من يعَلِّمْه المغيب؟
كيف يَجْرَحْني؟ أساساً كيف تسمَحْ له يمينه؟
كيف خَلّى القَلْب يصبح في وسِطْ بيته غريب؟
كيف والاّ ليه؟ ما ادري.. المهم الحين وينه؟
وينه اللى من حنانه يستمِدّ الطيب طيب؟
وينه اللى ما لقى غيري يسَكِّتْ له أنينه؟
وينه اللى قال عَنّي: (هذي هي أحلى نصيب)؟