[وحيد]

يافرحة ايام الشقي وين دنياك
،،،،،،،،،،وينك ترى طعم السعاده نساني

وينك تراني عفت عمري بلياك
،،،،،،،،،،ملعون ابو حظ بيدينك رماني

أدري تبيني أنحني وأطلب رضاك
،،،،،،،،،،وتشوفني عاشق كسيرٍ يعاني

تبغى تحركني على طق يمناك
،،،،،،،،،،وتبغى دموعي تنتثر لك أغاني

هاك اعتذاري عن غرامك أبنساك
،،،،،،،،،، وأقضب كلام يصطلي بالمحاني

عساك تفقد كل عين ترجاك
،،،،،،،،،،أمك وأبوك وعزوتك يالأناني

وعسى عيونك ماتعديك ماطاك
،،،،،،،،،،ويكويك ضعف اللي بحبك كواني

يطول عمرك بين حزنك وبلواك
،،،،،،،،،، ومن حر مابك تحسبه بالثواني

وعسى لسانك ينعقد دون شكواك
،،،،،،،،،، ويلقى القهر ببحور حزنك مواني

تدري خلاص أرحل ، ماعادني ابغاك
،،،،،،،،،، وأدري يجي لك يوم تبكي زماني

لنك عن دروب الوفا تحرف خطاك
،،،،،،،،،،في ظنك اي انسان ياخذ مكاني

علم يجيك ،وياصلك ،ويتعداك
،،،،،،،،،،فعلا بعيني كنت أغلى الأماني

لكن تبيني أنحني أطلب رضاك
،،،،،،،،،،لو جيت خاضع عز نفسي عصاني

والله فلا عاد أسئلك وين دنياك
،،،،،،،،،،لو عافني طعم الحياه ونساني


وسلامتك

الموضوع الأصلي: ثورة عاااااااااااااااااااااشق | | الكاتب: وحيد | | المصدر: شبكة بني عبس