يادار ابو متعب يشدن لـك الشـوق
شوق الشقيق اللـي تحـرى شقيقـه
واجيك انا عاقل معه قلـب مطفـوق
وأسري على كـف الوهـم للحقيقـه
أسرد معاناتي علـى كـل طـاروق
وليـا كتبـت البيـت يبكـي سبيقـه
وأرسم على خدي بحبر من المـوق
يجرح ويحرق ماوطى فـي طريقـه
رسمة غلا مابين عاشـق ومعشـوق
تحكـي معانـاة السنيـن المحيـقـه
انا اعرف انه كل مطـرود ملحـوق
مير البـلا بالقلـب مثـل الحريقـه
أصبح شعوري من عنا الوقت منطوق
من غربتـي عانيـت هـم وضيقـه
ومن الشقا طارق غدى اليوم مطروق
وأصبحت انا اللي شـال مالايطيقـه
الين ماجسمي غدى جلـد وعـروق
وصدر تلعثـم زفرتـه فـي شهيقـه
أنا علي حقوق ،، وقلبي لـه حقـوق
وكل يبـي يمشـي علـى مايشيقـه
لكن بطاوع قلب به جملـة حـروق
ورزقي على اللي ساق رزق الخليقه
صوب الحديثه سقت انا موتري سوق
ليـن الأمـل بيـن بعينـي بريقـه
وسلامتكم