قيلت هذه القصيده فى المعارك التى دارت فى اثناء الغزو العراقى الغاشم على دولة الكويت الحبيبه والنصر من الله عز وجل وهى تشرح بالدقه ماحصل من تلك المعارك ومن مواقف الامير الراحل صاحب السمو الشيخ جابر الاحمد الصباح امير دولة الكويت فى ذلك الوقت وعن حكمة سموه
يقول من جاب المثـل مـن صميمـه؟؟؟امثـال ماقيلـت علـى ظـن ووهـام
وقتـا علينـا البحـر يلطـم لطيمـه؟؟؟ومن خاف من هالوقت مهـوب يـلام
وقـت تحيـر بـه العقـول الفهيمـه؟؟؟اللـى يحثـون المسـيـره بـالاقـدام
ويالله يالـلـى معطيـاتـك كريـمـه؟؟؟ياعالمـا بالغيـب ياخـيـر عــلام
حكـم الصبـاح انـك علينـا تديمـه؟؟؟اللى رعـو حـق الارامـل والايتـام
وقلوبهـم نحـو المواطـن رحيـمـه؟؟؟تشهد لهم ماضـى الليالـى والاعـوام
وعوجا تجى مـن شعبهـم مستقيمـه؟؟؟وعلى حقـوق النـاس ماهـم ظـلام
حكامنـا علـى العصـور القديـمـه؟؟؟وذخرا لنـا يومنهـا صـارت الـزام
والعـام يـوم استدرجتنـا الهزيـمـه؟؟؟وهبت علينا ريح صرصر من الشـام
وضاقت بنا البيـداء وشبـت جحيمـه؟؟؟يـن لنـا ماكـان يخـفـن الايــام
وعرفت مـن لـه بالموازيـن قيمـه؟؟؟وترفع له البيضاء على روس الاعـلام
لبومبـارك نخضـع الـراس شيـمـه؟؟؟قايـد سفينتنـا مثـل ماجـرى العـام
اداء لنـا الواجـب بصبـر وعزيمـه؟؟؟وقت الضروره والضروره لها احكـام
واياأميـرنـا دام النـوايـا سليـمـه؟؟؟يجعلك الله نور فـى وقـت الاظـلام
واخطاك سوء اللى مشـا ء بالظليمـه؟؟؟جحادت المعـروف وحقـوق الاسـلام
وصخـر لنـا الله الجنـود العظيمـه؟؟؟تجاوبـو معنـا علـى روس الاقـلام
وخيـل علـى بغـداد نـوا رزيـمـه؟؟؟يوقظ صداه اللـى بحلـو الكـرا نـام
خيل خيـال المـوت ودنـا حطيمـه؟؟؟سيلـه حقـوق وتالـى السيـل هـدام
وركز علـى المطـلاع نـوه وغيمـه؟؟؟ومن منفذ الخفجى الى اقصى ابو رضام
تشبع بـه الضبعـا وتصبـح مقيمـه؟؟؟ويركع لها طير الخضيرا الـى حـام
وياذيب اكل طـاح العشـا والوليمـه؟؟؟محاصلللـك دوم خـيـرات وانـعـام
ذيـب العذيبـا والركـى والوخيـمـه؟؟؟يشبع ثلاث سنيـن مـن جنـد صـدام
صـدام عقـب لـه عواقـب وخيمـه؟؟؟من سوء فعلـه جـر شعبـه للاعـدام
خـلا العـراق مـرمـلات حريـمـه؟؟؟وبثبهـم الفرقـا وقطعـا بـالارحـام
وكم طمعـت منهـا السلامـه غنيمـه؟؟؟وكم من صبيـا طـاح فيهـا ولاقـام
ولايامـن المنعـم بـازالـة نعيـمـه؟؟؟ولايامـن الظالـم تزلزيـل الاقــدام
وصـلاة ربـى عـد ذارى نسيـمـه؟؟؟؟وعلـى نبـى ثبـت الحـق باحكـام