[محمد الراشد]

اولا: كل عام وانتم بخير

ثانيا: اشكر اداره المنتدى على منحي وسام شاعر متميزالذي اعتز به كثيرا

ثالثا: اتمنى ان تنال هذه القصيده جزء كبير من رضاكم
وان لم بكن ذلك فهي


(وجهة نظر شاعر)

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تبيني اكتب لك قصيدة عن العيد=سمي مدامك يا(هنه) غلوعيني
وان كان يوجد بالقصيده مناقيد=جودي من الموجود بس اعذريني
العيد به فرحه وهم وتناهيد=ولبس الفقير وحاجته للعويني
مسرح لعشاق"بليا مواعيد=وطاري سفر ومصافح الطيبيني
جمعة قرايب كانوا اول مباعيد=وتوي ذكرت معايد القريتيني
لو كان رايي مختلف يا اتلع الجيد=وجهة نظر شاعر وتختص فيني
العيد بعيوني للاطفال والغيد=والفرحه الي فيه عيت تجيني
وصارت مع الايام مثل التقاليد=وسوء التفاهم طال بينه وبيني
تونسي به..واسمعيني زغاريد= والعيد الاول موعدك عايديني
لحظه فطنت لمقصدك يا اتلع الجيد= لايكون قصدك جبتي العيد فيني [/poem]


وسلامتكم
وأربعين عافية

الموضوع الأصلي: تبيني اكتب لك (قصيدة عن العيد) ــــــــــ سمي مدامك (يالغلا) غلو عيني | | الكاتب: محمد الراشد | | المصدر: شبكة بني عبس