ذكروها كيف في ليلة الفرقا سرت ... نادر بن مساعد
اسعد الله اوقاتكم بكل خير
ابتدت ذكرى همومي على سيف الغرام = وغرقت مقلة عيوني بدمعه واحدرت
ليلتن فيها سما الهم وارداني حطام = حالتي يرثالها والهواجيس احضرت
سامرتني لي حالي غدا ماهو تمام = ذكرتني في ليال الفرح كيف اندرت
انت يلي تودع الجرح وعيونك تنام = مانت داري عن عيون الصويب اليا اسهرت
اشهد ان جرحك بقلبي مثل ظرب السهام = مابرا حالك وحالي من اسبابك برت
والله اني فيك هايم وعديت الهيام = جيت مسرع لك على الدرب وخطاي اعثرت
منت مخطي والخطا لي ويلحقني ملام = يوم روحي عبرت عن غلاك ولاعبرت
اسرفت واهدتك ود المحبه بهتمام = واثر روحك عن تعابير روحي مادرت
ياهل الأشواق والحب مافيه احترام = يكسر الشامخ ويجهر عيونه لسبرت
انشدوها كيف تنسا مواجيب الكرام = ذكروها كيف في ليلة الفرقا سرت
اقبلت مع ريحة الوصل وتنوش الغمام = وادبرت مع سافل الصد راحت وادبرت
بشرتني بالمفارق وساقت لي جهام = ذود حزنن فالمعاليق وردت ما اصدرت
علموها كان تنشد عن احوالي تنام = تترك المجروح لو كابر وحاله برت
نادر بن مساعد[/quote]
آخر تعديل بواسطة نادر بن مساعد ، 16-09-2009 الساعة 04:04 PM.
| توقيع نادر بن مساعد |
|
شفت الجبال اللي حوت قمة طويق = تشبه مواقفنا بيومن شديدي
شفت النجوم العاليات الشواهيق = تشبه بعزتها شموخ الرشيدي
نادر بن مساعد
الديوان الشعري للشاعر نادر بن مساعد
هنا
|
|