واااعذابي واااعنا القلب وهجاده
ليه ذكرني بصفحه من زماني ؟
كنها من مات في حرب الإباده
انطوت خلاص راحت في ثواني
له ثلاث سنين مدري له زياده
وكنت أنا ناسيه يوم إنه نساني
والسبب في ذكر حبه وإستعاده
تهنئه ف إرسالته قبل رمضاني
العنيد إللي تعنّد في عناده
والله إن يبطي ولا مره عصاني
حبه إللي مودعا ً قلبي رماده
ما مسح به عزتي ولا مكاني
كان قربه لي معنى للسعاده
وغيبته والله ماهزت كياني
درس له يمكن تعلم واستفاده
ماتبع إللي لا بغيته ما بغاني
كان قصده ترجع القصه إعاده
خلنا نعطيه فرصه لا يعاني
مير حنا الحين في شهرالعباده
والوعد قدام من عقب رمضاني
مسعود الحويزي