قبل ماابدا مشاوير الشعر وانوى على المشوار
قبل مااذكر مشاعر صادقه من قلـب شاعرهـا
اببدافالمحبـه والـولا فـى ديـرة الاحــرار
محبـه صادقـه وافكـار شاعرهـا تعبـرهـا
احب المملكـه واترابهـا وملوكهـا الاخيـار
ملوك ن طيبها من ماضى الدنيـا وحاضرهـا
تعيش المملكه بقيـادة العاهـل رفيـع الكـار
ابومتعب على شعبـه سحايـب هـل ماطرهـا
سياسى ن محنـك ماتهـزه لفحـة الاعصـار
يشار وطبعه اضعـوف السياسـه مايشاورهـا
سياسى ن يدير الـدار مـن فكـره ولاينـدار
وتصعب دورة افكـاره لمـن حـاول يدورهـا
ملك لاكن ملك كـل القلـوب بطيبـه المـدرار
حبيب الشعب زيـزوم البـلاد اللـى يسيرهـا
وولى العهد ابوخالد حكيـم الـراى والافكـار
يمينه من فعل طيبـه كثيـر النـاس شاكرهـا
ابوكـل اليتامـا الله يجيـره سبـة الاخطـار
عسا الله مدة غيابـه عـن بـلاده يقصرهـا
كريم ن بالعطايـا يكـرم الجيـران والـزوار
يمينـه ماتقصـر رمـز لــدار وتطـورهـا
سمعت ايتامنا تسأل عن الابو الحنـون البـار
وسمعت الدار تسألنى وصاحت لـى عمايرهـا
وكل الشعب يسأل عنك ومن طول الصبر محتار
عيون الشعب من غيبتك سود لـون ناضرهـا
الايالله يالفـرد الصمـد يالـواحـد القـهـار
تـرد اللـى عليـه عيوننـا هلـت عبايرهـا
طلبت الله وغيـر الله فـلا نطلـب ولانختـار
الـه يعلـم الدنيـا مـن اول لـيـا اخـرهـا
طلبت الله يمـدك بالشفـا وبطولـة الاعمـار
وعسا ربى علـى شوفـك محبينـك يبشرهـا