السلام عليكم ورحمة الله وبركاته
اخوي وزميلي العمدة1 ناصر خنيفر انت العمدة1 وماحد قال غير ذلك لاتشك في نفسك الكل يعرفك عمدة في جميع المواقع ماقلنا غير ذلك بس اخو صلفه العمدة2 بالشبكة شبكة عبس وانت في منصبك وانا في منصبي وكل معة ختمه. ويسعدني ويشرفني انا ازف لك هذه الابيات التي اتمنى ان تنال استحسانك واعجابك يالعمدة1:
اسمع كلام العمدة الثاني وركز بالمقال=ابيات شعر تنقش وسط الضلوع الحانية
ياعود تصفق بك ليال الوقت من جال بجال=لاتحسب انك عايش للدوم نفسك فانية
انته دخلك الماء بعد ماشفت وافين العيال=اللي ينومس قالها ياشايب الرحمانية
مدري علامك مننا ياعود صايبك الجفال=اكيد تاترتاع لامنه قنب سرحانية
بعض العرب يرتاع كانه شاف ملوي الحبال=لامنه اونس من قبل قرصه من الثعبانية
في كل يوم كاتب لك علم اشبه بالخيال=الظاهر ان انته تحلم والجفن سهرانية
لكن ليلي معك ياعود العرب ماإله تال=بيت الشرف ماينهدم مبني على السيسانية
ماكل منهو لابس له ثوب وشماغ وعقال=يصبح رجل ويقال له ياعمدة الديوانية
صاحبك اخو صلفه ليامنه ورد يارد زلال=لوكان دون العد حساد وبه عدوانية
ومعه الرجال اللي ينومس فعلها يوم القتال=نهار دورات المعارك زارق وطعانية
الرجل فيهم ثابت وراسي كما صلب الجبال=مازعزه دبك السباع ودبكة الحصانية
لكن اخذ علم الحقيقة واسترح يابن الحلال=مافيه غيري عمدة2 للقوم والعربانية
اخوصلفه