[فيصل الرشيدي]

اعجبتني هذي القصيدة الاكثر من رائعه لما فيها من ابيات رائعه

وهي للشاعر / نــفـاع العنــزي

امل ان تنال اعجابكم


[POEM="font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا صاحبي هذي السوالف مهي لي=عمر الصقر ما هيبته الحمامه
أحدٍ يجي ويقابل السي بالسي=أما أنا اقابله بإبتسامه
منهاج قلبي يرسمنه له يدي=يعني يموت ولايبيع احترامه
ماهمني هذي وهذي ولا ذي=قلبي يهيم ولايهينه هيامه
يا حاجة الضميان في رشفة المي=في موقعٍ عيت تشيله عظامه
هي حاجتي بالضبط لأشعة الضي=يمكن يودع بعض ليلي ظلامه
تدري متى تبكي صديقك وهو حي؟=إذا دريت انه يبيع الكرامه
يا وي من وقت التعاجيب يا وي=كلٍ يقول أنا زعيم الفهامة
اسمع كلامي وانتظر انطر شوي=خل الملامه خل عنك الملامه
لا تعتذر ما تجتمع شمس مع في=عذر البخيل انه كثيرٍ صيامه
قالوا من اول اخر علاجها الكي=يمكن يفيد الكي مع الرخامه
ان جيت او ما جيت عادي ولاشي=موقف وعدا وانتهى بالسلامه
تدري متى تبكي صديقك وهو حي؟=والله (قسم) ان فارقته الكرامه[/POEM]

الموضوع الأصلي: تدري متى تبكي صديقك وهو حي ...؟؟ | | الكاتب: فيصل الرشيدي | | المصدر: شبكة بني عبس