بسم الله .. الذي جعل القمر سارقاً يتسول من الشمس نور .!!
مدخل :
عَبث .. جيت انفض غبار الغياب .. وبُعد ماطيقه=عن وجيه .. الاماكن والسوالف .. و [الوصل] غافي
"فقدتك" والملامح .. كلها بعدك غدت [ضيقه]!=وليل الفُقد "يتسوّل" .. على صدر الأرق ../ حافي
تسولت الدفا .. من جمر الاشواق وحنين "النار"=وخنقت البرد .. فوق المعطف الاسود .. بيديني
حضنت كفوفي .. الخجلى ورحت ارجي .. شتات الدار=ادوّر عن بقايا .. للأمل والدمع يغريني !!
سريت ! افتش جيوب الضلام .. وحسرة الاقدار ..!!=لعلّي في رفوف .. الوقت الاقي شي .. يعنيني
على صهوة .. رصيف الحي قمت .. اتلمس الاعذار=وشارع ؟ مالقا منهو .. يواسيه ويواسيني !!
هدوء ولاضجيج .. الا وحي صوت الهوى .. زوّار=يحرّك هالك اوراق الشجر .. مابين رجليني ..!!
وقفت ! استرجع الماضي .. بصحبة هم .. واستنكار=واصفق للغياب !! "احسنت" .. وآصل في شراييني
بكيت ولالقيت اسباب .. تكفي عن ملام .. الثار=وتجهمت الرحيل .. يجوز انسى من سكن .. فيني !
رجعت اجر خطواتي .. كئيب امسح دموع الدار !=واواسي كل .. رف يلمّ تذكار(ن) .. يعنّيني !!
لقيت ان الدفا ابرد !! من سموم الالم .. لاجار=وقتي .. وانخنقت بمعطفي والدمع يغريني .!
مخرج :
ابعزفلك .. اغاني تنتهك حُرمة .. سكون الليل=وابشكي لك همومن .. تجرح الروح وتعذبها
دخيلك .. لابديت اعزف "توحّي" بي دويّ الحيل !!=دخيلك .. وامسحي دمعه .. على الخدين مسكبها !!
وسلامتكم :
^_^
القصيده في :
مشاهير + ضفاف ادبيه + تفاصيل + ايادي
اشعار :
رائد الذيابي