[ابو بيان]

يامرحبا بالزلزال كيف حالك واخبارك بشرني عساك بخير وانت من النقاد المميزين بكل صراحة ومواضيع دائما لها قيمة ومعنى ,حبيت امر على موضوعك واسلم عليك اما بالنسبه للبيوت ان من وجهة نظري ان اقرب شي للصواب ..
نبا نسوق المعاني مثل سوق الجمال=جمال بدون مجودة مع ارسانها
وشلون تبي تسوقها وهي مجوده مع ارسانها ,لو قال مثلا مجودة بها ارسانها عادي مافيها مشكله تسوقها وارسانها فيها لكن مجودة مع ارسانها يعني ممسوكه وهو خطا بسيط لوانه هو اللي مجود رسنها ويسوقها عادي ولكن هو قال البدو مجودينها يعني غيره مجودها مع رسنهاوهو يبي يسوقها ماتنساق ولوانه قال ,
نبا نسوق المعاني مثل سوق الجمال=نسوقها بالعصاء ونجود ارسانها
يعني كل شي بيده العصاء والرسن متى مابغى يسوقها ومتى مابغى يقودها او يمسكها ,,
انشاءالله اني قدرت اوضح وجهت نظري ولو اني فيه افهم مني واكثر خبره ولكن هذي مشاركتي يابوالزلازل وتحياتي للجميع

مشكور بحر الخليج واوفقك الراي وتقبل تحياتي اخوك ابو بيان