الاخوه والاخوات الكرام
السلام عليكم ورحمة الله وبركاته
لكم هذه المشاركه وهي قصيده للشاعر / صالح عبدالرحمن الصالح الناصر
وهي تعبر عن نفسها وايضا بعنوان
ما كل رجال يسولف تكانه
يا مل لقلبٍ دق به كم هوجاس= شاف العجايب والعبر في زمانه
وقتٍ غثاه اشيب العين والراس= يفطنله اللي فيه نسبة فطانه
اخذت لي مع ساحل الهم مرواس = مشتان والمشتان يمشي بشانه
مغير افكر واضرب اخماس باسداس= لو النتيجة خانةٍ دون خانه
سبحان خلاق البشر محصي الناس = كفيلهم وارزاقهم في ضمانه
بعض العرب عقله مع الناس نبراس=هرجه مع العربان ذمه ومانه
وبعض العرب يمرس مع العالم امراس= يطغي عليه الله يكافي لسانه
والمزح بين الربع له وقت وقياس= وما كل رجالٍ يسولف تكانه
يجرح شعورك واحدٍ ماله احساس = هل الوقت ما ودك تطيح الميانه
منقول