الموت زلزل .. بالعباد المجاريح = والهم درهم .. واتضحلي جميعه
وأبديت أنا من خافقي .. هالتصاريح = في ساعةٍ .. منها يشيب الرضيعه
علمٍ لفاني .. يالرجال الطحاطيح = من شوفته .. عفت الكرى والوسيعه
نارن .. تلظت .. والخلايق مفاريح = واستفردت بالخلق .. غدر وخديعه
شبت وهبت .. واستدارت مع الريح = واستدبرت .. من بعد وقع الوقيعه
من عقب ماخالط .. رمدها مع الشيح = قفت عن العالم .. بخطوه سريعه
واجلت معاها .. لابسات المشاويح = وأفذاذ قومٍ .. مادروا بالقطيعه
لولا الملامه .. لرفع الصوت وأصيح = واخالف احكامٍ .. مضت بالطبيعه
وأسج انا رجلي .. على هيف السيح = وابدل علومٍ .. لفتني شنيعه
مير الولي ..حكمه يهد الزحازيح = الواحد الي .. نرتجيه ونطيعه
الي له نصلي .. فروض وتراويح = والي على عباده .. فرض هالشريعه
والموت حقٍ .. له نياقٍ مساريح = ولا لي على رده .. وصده ذريعه
وخالقي
أولدها مارأيت
........
أسأل الله العظيم رب العرش القديم
أن
يرحمهم بواسع رحمته .. وأن يدخلهم جنته
وأن
يبدلهم دار الفناء .. بدار البقاء
دمت
بخيراً وعافية