[نــواف العويمري]

(جرح الغلاء)




[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/19.gif" border="none,4,gray" type=1 line=1 align=center use=ex num="0,black""]يابنت شوفي داخلـي كلـه جـروح=مكانهـا مابيـن قلبـي وروحــي
جرح الغلاء اللي داخل القلب مايروح=هاذي سوات الحب شوفي جروحـي
شوفي جروحك نارها تحرق الـروح=من قو جمر النار روحـي تفوحـي
شوفي بقايا الهم والحـزن والنـوح=شوفي خفايا الحب واسـرار نوحـي
اعظم من الخافي وانا ماقـدر ابـوح=ماقدر ابوح اسرار عاشـت بروحـي
يابنت كان البعد لك فيـه مصلـوح=روحي عسى ربـي يوفقـك روحـي
روحي عسا دربك سعيد(ن) ومسموح=من كل قلبي جعل دربـك سموحـي
ورجواي سر الحب لايكون مفضـوح=حافظ على اسرار الهـوى لاتبوحـي
يابنت شوفي داخل القلـب مجـروح=داوي جروح القلب يـاروح روحـي[/POEM]

الموضوع الأصلي: جرح الغلاء ,,,للشاعر نواف العويمري | | الكاتب: نــواف العويمري | | المصدر: شبكة بني عبس