قصيدة أعجبتني للشاعرة الرائعة ((ونات)) فأحببت أن أنقلها لكم
خلوه دامه راح...لاتنشدونه=خلوه يبعد ..لاتجيبون طاريه
باكر يجيني ...عبرته في عيونه=ماهو على كيفه..ولاعاد يمديه
الجرح لامن غاب..يبرى بدونه=أموت من جرحي بدونه..ولا أجيه
قلبي تعود..لا شكا لي طعونه=لا ما ألتفت له في عيوني وأناديه
لامن تذكر مامضى من شجونه=يكفيني النسيان..ولا جرح يكفيه
خلوه دامه راح..لاتتبعونه=خلوه يبعد..ناوي البعد ناويه
من خان ..يلقى بالزمن من يخونه=الله حسيبه..يوم باع الوفا فيه
تـمـنيـاتـي لـكـم بـالـتوفـيـق
أخـتـكـم/الــهنــوف