حياكم الله ومرحبا بالجميع
اخي ناصر خنيفر حبيت اعطيك هذي البيوت وهي تعبرت عن نفسها
مساك رب البيت ياناصر=من شاعرن شرد بيوته
من هاجسن فيه متكاثر=مثل البحر بيضه وحوته
واعزتي خابر وصابر=من طبعة الرسم وكروته
جمعتها متحف الغابر=عطيتها اللي رفع صوته
خليتها مرقب السابر=والصبح علقتها كوته
معناي بالنظم متواتر=صم الصخر فيه منحوته
انطر ردك يالعمده |
وهذي قصيدة ثانية
تقرا قصيدي ثم تطلع وتنحاش=وانا ثلاث ايام ياناصر اتناك
وشبك تعدانا وهرج السقا ابلاش=والمضرم اليا اضرم شرب نص تنباك
الكبر لله راعي الكبر لاعاش=لابد من يومن يدورن الافلاك
لو جبتلك بيتين بيضن كما الشاش= اخير لك من مسكة الباب مناك
والا اعتذرت وعذر الاجواد ينعاش=مثل القراح اليا نشف ريقك اسقاك
الشعر ثقل ونقل واحساس وانعاش= واطوار فن بمسرح الصوت والماك
واخراج فلم وسينما وعرض بالشاش= وادراج فلتر ضوء زهري على بلاك
ومصارحة نهب العواطف من الجاش=ومخاطبة سمع العصافير بالراك
واخذ الجموع بحرفة انسان غشاش=واسقاطها في حلقة انقاذ الاهلاك
ماهو مصادم رؤس وافكار حشاش=والا هنا مانا وهذا ماهو ماك
والا تحضر فراع وتروح هواش=الشعر ادب ماله علاقة بالادراك
ذا منهجي بالشعر وحروفي ارشاش= وابل لطيف ونفحة غيوم تهناك
لو مايلوق بعقلك بمهجتي غاش=واللي طرالي يوم صديتني جاك