[أبونواف]

بسم الله الرحمن الرحيم

السلام عليكم ورحمة الله وبركاته

قصيده تحتوي على حكم كثيره...

ومن الزمن نتعلم......ولانزال نتعلم

وان شاء الله اختياري يعجبكم




[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/5.gif" border="none,4,gray" type=1 line=0 align=center use=ex num="0,black""]النمر ماعمـر الحصينـي تعشـاه=والسيف مايشبه لمـوس الحلاقـه
وترى الصديق بساعة الضيق تلقاه=والتابعيـه ماهـي مثـل البطاقـه
ومن لا يودك لا تـوده وتنصـاه=ومن فارقك افرح بساعـة فراقـه
خل الشعيب يسيل سيلـه بمجـراه=لاصار مالك فيـه قـدره وطاقـه
لا صار ما تقـدر تعـدل شقايـاه=هيهات ياتـي بالزعـل والحماقـه
النذل يطمع بك ليا صـرت تـدراه=لا صرت له طيب تره صار عاقـه
تمـد لـه يمنـاك ويمـد يسـراه=والنذل ماينفعـك ولا بـه شفاقـه
عليك بالطيب ليـا جيـت تنصـاه=ينفعك ماهو مثـل خطـو العلاقـه
ونفسك على فعل المكارم مضـراه=ويقوم بالواجـب بعـرف ولباقـه
ولا خير فاللي مايعـرف المعـداه=وعزي لحـيً مـا يعـزه رفاقـه
ياويل قلبـي وآآه واكبـر بلـواه=تسوقه آفـات البـلاوي سواقـه
بين الرجا والياس يقطف خلايـاه=عقب التسا عتبه كسيـف بطاقـه
يمسي ويصبـح حايـرات نوايـاه=بين القداده والأسـى واصطفاقـه
من هاجس بالقلـب لازال بكمـاه=بقص كنين القلب يضفـي رواقـه



[/POEM]

الموضوع الأصلي: من لا يودك لا توده وتنصاه | | الكاتب: أبونواف | | المصدر: شبكة بني عبس