مدخل
قسورة الغاب
هذا مشب الكرم والطيب = كل يحصل به الترحيب
وان كان ماطاب لك ياذيب = سافر برحلات جويه
هلا يامرحبا ترحيبتن تقدح زناد النار = اقوووله واتقدم عن بني عبس عوانيها
الا يالكبتن الطيار علمني عن الاخبار = بعد ماجيتنا بالطايرات امحولن فيها
عبرت الشبح الأجواء حاملة إلينا محاورة القمة جمعت ألمع النجوم التي تعشق فن المحاورة بعيدا عن تمجيد الأسماء وتفخيمها
مقدمين المصلحة العامة على مصالحهم الشخصية ، على الرغم من قدرتهم الشعرية الخيالية التي تمكنهم من سحب البساط من تحت الأسماء الشهيرة
( الكابتن x المهم 1)
الكابتن
يامكثر أسامي الشعار= في منتدى عبس ياالحضار
لكن لا جاهم الطيار=راحوابرحلات جويه
سلام الله وابا شاعر يمثل عبس ياالشعار=زهابه من بحر والطيبه من حظ راعيها
نبا ننقض ونفتل باالمعاني والصدور اسرار =نبا نسوق المطيه مانبا ناس ٍ تباريها
المهم 1
عبس اهل الشعر وتاريخ=ياشيخ ماهو خطا ياشيخ
اصبر سنه تاصل المريخ=وتفارق الداب والحيه
هلا يامرحبا جاك المهم الشاعر البيطار=كلامه من ذهب والنار تحرق رجل واطيها
عليك تقولها ويجيك ردن ماعليه اغبار =ولا تزعل اذا شلت اول الرحله وتاليها
الكابتن
الله يسعد مساك بخير = منته حبيب ولاانت العير
زادك معانا لسان الطير=ماتمشي السالفه ذيه
يدوم الك البقا واقرب على الدله وجمر النار= انا اصوغ الذهب واقلد العذراء واكسيها
عسى منت الذلول ولا انت في جنب الذلول حوار=عساك اللي على ماقيل لا طالت يسريها
المهم 1
يالي بهسرع تنفاني =حضي معك وين وداني
انا ابن مربح وتلقاني=ماشابه العير ووخيه
تبا تقهوي تبا تهاوش على ايا وجهه ياستار =تبا تجيب النجوم وتذبح العالم وتحييها
ودخلت مع البحر ساهي ولا فكرت بالمضهار=وعلى غفله بلعك الحوت ويديك بمخابيها
الكابتن
قريت لي علم باالميدان = إن أخو وضحى له خمس أخوان
ووضحى تصفق لبن عجلان=وعيونها سود سحريه
ابسولف معك واسمعك من موجز الأخبار=وبا اسمي على قلبك واسرحها واضويها
ياكبر الغلطه من الشاعر اللي يحسب من اكبار = هذاك النون سيدنا علومك لا تدربيها
المهم 1
خل اخو وضحى وجنبها=طيارتك كيف اجربها
شلني معك في مراتبها=قبل تدربا بدربيه
تبا تسولف ولا سولفت وعيونك حمر وصغار=وفيك النيه اللي منت عارف ليش ناويها
ترا ذنون غير النون يادكتور ياقمار =تفلسف وانت فلسفتك مفلسفتك بما فيها
الكابتن
ان كانه مضايقك علمي = يا صاحبي هذا هو سلمي
لو يكبر بصدرك الحلمي = بعض السواليف سطحيه
ابا اضحك منك وازعلك واخذ لي معك مشوار =ترى النيه قريبه منك والنيه وراعيها
ما احب اعيد هرجي طبعي اكره عالم التكرار= لكنك لا تكحل عينك الحمراء وتعميها
المهم 1
من امس عيت تغيب الشمس=والشمس غابت عليك من امس
اقول رح طق خمس بخمس=والسالفه طاق طاقيه
عطيناك الذهب فوق الذهب وتنقص الاسعار =وانا لاضاعت افكار الجماعه وين اوديها
وانا خايف تجنني وانا صاحي ماجيت اشهار=لون شهار لاجته المجنن نام واليها
الكابتن
إن كان ناوي على المسرى= روح وليل الدجى غدرا
حذرا تعذر معي حذرا = فكر على هونك شويه
حرام ان الذهب كله وزناه بحجم وعيار= وانا التاجر ليا من بعتها صاحبك شاريها
عليك اقرأ واسمي لا تروع صاحبك حشار=عليك آيات ربي من سطور الصحف قاريها
المهم 1
طيارتك وش تعبيها=والقاز هو يشتغل فيها
ماجود قوطي يكفيها =جاوب اذا جيتك برقيه هههه
ترى طيبه حفضها الله وصاحو دونها الانصار =ومات مسيلم الكذاب ماهدم مبانيها
ومثل ماقيل دار بدون صيد تعذب الصقار=لو تمر الجراده قال ياربي تحييها
الكابتن
طيارتي باالسما فوقك = دخانها ريح منشوقك
لا يرخص البيع في سوقك = تحسب على حضرتك سيه
ترى طيبه دخلها المصطفى من خيرة الأخيار=لو الكفار من قوم العرب ماهو بمرضيها
تقوله وانت صدرك فيه من جزل الحروف إكثار= يا كثر اللي رمى النيشان باالبندق ويخطيها
المهم 1
اشوف شكمانها محمر=تصعط من القاز وتعمر
وحنا على ركابنا الضمر=نلحق وراء الهيه الهيه
على طاها سلامي كل ماناح الحمام وطار =وعدد ماتركب بيوت المعاني يوم اسويها
زمان اليوم اشوفه يجمع الزلزال ولاعصار=ولو الكبتن معه حكمه من البارح عطانيها ههه
الكابتن
ما هي كذا يا ابيض الشارب = كنك بهذا الخبر هارب
من فوق جتكم على الغارب = وانته تغني هجينيه
صلاة الله على محمد عسى الله يلعن الكفار = عدد من طاف باالبيت وجمار الحج يرميها
انا بنصحك واحفظ كلمتي وادخل بها المضمار=على الصعبات نفسك ياالمهم احذر تجريها
المهم 1
استلم وتصبح على خيروتشرفت بالعب معك=والشكر كل من تابع وبيض الله وجه الجميع
من السماء حولت سهله =طاحت على الخشم بالسهله
ومن مات ماني بنادهله=احقوق الاموات مرثيه
توصيني على الذله وهي عند النشاما عار=ولا وصيتني حاجه تشرف من يوصيها
انا ماني مثل شرواك عند الكايده ينهار=اصوع الكايده وذنيك ترفعها وترخيها
صح لسان الشعار
وبيض الله وجيهم
تعديل للتنسيق