الاشقر
يا سارين ليلك سرا ليلك مع الاشقر تعـال
ماعاد فيه امجامله ما عاد فيـه امجاملـه
فرصه سعيده بعد ماجالك مع الاشقر مجال
اغنم زمانك لو صفالك يوم بكـره تجهلـه
الاشقر الـي مايوقـع غيـر فـي رؤس الجبـال
وش نزلـه للعوشـزه وش نزلـه وش نـزلـه
انا خصيمك خـل جـلاد الحـزب واف الخصـال
لاتشغل المسلم وهو له حاجتن عند اهله
ان كان تبغالك مثل الحين أبضربلك مثال
قال المثل كلن معه عقله ويعرف منزله
انته خصيم المعرفه ولا خصيمن للجدال
حدد تبا لعب المعاني ولا لعب المجهله
لاعاد تضربلي مثل سوق المطيـه لاتبـال
والدرب الايمن خير درب وكل علم من اوله
وانته حريب المرجله ماتقولي يمـك يقـال
كانـك تبيهـا طيبـه ولا تجيـك مفلفـلـه
اسوق مثلك ياوسيع المعرفه ضمن الجمال
ليت الجمال الجرب عن درب النشاما معقله
مدام هذي نيتك مابه جـواب ولا سـوال
حنا رجال ولا ماشينا غير درب المرجله
السوق خله لنساء مايقال في وسط الرجال
الله يلهمك الصواب درب الوفـا لاتجهلـه
عز الله ان النيه ابيض من برد وبل الخيال
لكن خلك بـالادب بالـك تلـف المسالـه
حظك رماك اليوم بيد الذيب يا قلب الغزال
جفلت وجاك الحر الاشقر مثل سلطه منزله
أشوف وضاح اليمن ضايق من هموم الليال
قلي عن الموضوع يا وضاح ويش المشكله
حضي قوي بامر الولي علام ماتخف اليال
ولاني بجافل لو يجي شقران ينقل محمله
ضايق من الاحكام وانته مادريت ولاتسال
ماقلت وضاح اليماني وشو اللي مزعلـه
يالله يا رحمان يا رزاق يا رب الجـلال
تعطيه طول البال مدام الدروب مطولـه
خلك مثل لبنان ثارت في وجيه الاحتلال
لا تسلم الرشاش يا وضاح وتضرب قنبله
يالله ياللي في يديك الخير عالم بالحوال
تزود الاشقر بخير ومن سنينك تمهلـه
لبنان قومن مايعرفون الحرام من الحلال
فيها المناكر جعلها في وسط نارن مشعله
هذا المثل يا صاحبي يكفيك عن روح وتعال
لو يزعل الفلاح ما يزعل ويتـرك مشتلـه
هذا خطا لبنان دولة مسلمه يابـن الرجـال
هرجتك هذي فاضحه والقـول هـذا بدلـه
ابلشتني تظرب مثل ومثالكم مثل الخيال
مابه مثل يفيد ابو وزره وعلمك مشغله
انته من ايا قوم قبل يصير بالجبهه قتال
انا جنوبي قي خف وفي نوع من عجله
اليا وردنا ما وردنا غير في جمـن زلال
لن المثل يقول من يعمل يجازيـه اعملـه
انا من الي في نهار الحرب ماطاح العقال
ولايهمني قردن يهز الذيل في راس اجبله
ماقول فيك قصور طيب من عمام ومن خوال
لكن من ايا نـاس حتـى نبتـدي بالبسملـه
قول القبيله كل خلـق الله يـروون السـلال
عساك مانت النبات اللـي اوراقـه حنظلـه
مشيت في معنى مبطن وانت نايم بالظلال
مدري متى تصحى من النومه تحل المسئله
مدامها صارت كذى الحين أبشد الرحـال
ليلك سرى ونشد رجالن ما تحب البهذلـه
وشبك تراوغ ليه شجره مباها فـي وظـلال
اقول وضح وانـت ترجـع للكـلام وتدبلـه
لوقلت انا شقران بن شقران مافيهـا خمـال
كل البشر من صلب ابونا ادم ومن راس سبله
صدر الجنوبي منتفخ ماهو كما صدر الشمال
يالله تلهمـه السكينـه ثـم توسـع مدخلـه
نقول هذي العاشره وتقول يمكـن واحتمـال
وشفيك تحملك حمل منتـه بقـاوي تحملـه
بعض السعه يوخذ حلالك وانت ماخذتله بال
ولا الجنوبي يازعل خل لعضمـك جلجلـه
عدد على كيفك ومتر بالعراض وبالطـوال
واما اليمانـي لـو تحـاول ذلتـه ماتـذلله
ما وهق الجهال غير النقل من ماقيل قال
يبلش لامن جاه الفراغ الي لزوم ايكمله
عمر الرماده ما تولع نار وتزيد اشتعال
هذا ختام القول ولي باقي ابراسك قلـه
مافيه توهيقـن ولكـن القمـر عـود هـلال
ولابه فراغ الله يلومـك بالحـروف المهملـه
ماذكر غير الشيخ بن براك حمـاي التـوال
ولا البقيه مثل نحلن طارله من منحله