[الغربي]

بسم الله الرحمن الرحيم

يقــول من يــدري عن النقص والزود ** **حتى اليا قيل المثل يسمـــعونه
والله مايـــنفـــعك مدحـــن بلا فـود**** ومدحن بلا معقول يصبح معونه
المـــدح بالـــتقوى ومـــــدات مــاجود ****والضيف من طيب العرب يكرمونه
والـــمدح بالفزعه لياجــاك مضــهود ****عليه من صـــكات بقعاء مهونه
من دور الـــمدحات بالـكذب مردود ****هو ليه تمدح واحدن تـــعرفونه
المــدح لاهل الــمدح والـلـه ماكود ****ابوطـــــلال الي كبارن صحونه
ريف الضـيوف وماكر العز والـــــجود**** حتى بعــــــــــيد الدار يمه يجونه
ساس العقاب اللي على الفعل مشهود ****تسمع دليم اللي وساعن طــــعونه
نســيت ابن سمــــره كما الـعد مورود ****هداج تيماء اللي يسقي ضــعونه
ونسـيت اخوى هدباء ولوفان وحمود ****وبن ضـــــــــعيه ليه ماتذكرونه
وعــــواد وبن غثـــــي بالطـيب ماكود ****افعــــــــالهم بالـطــيب لاتنكرونه
وابـــــــوي يوم ان الليالي غدت سود ****نورن بعلمن والعرب يشهدونه
ان قال علمن صـــــــــح ماهو مردود ****علمن عطــــــاه الله وثبت ركونه
عــساه للجنه ومن خـــــــــير في زود ****في جاه من كل العرب يرتجونه
عديت انا ماســـــمع ومريت انا شهود**** ومدحن بليا صح لاتمدحونه
وكل القبـــــــــــايل تفعل الطيب وتزود**** ونقصن بحق الناس عيب ومهونه
وصلاة ربـــي عد مايخضر الــــــــعود **** وعداد ماهلت سحايب مزونه

الشاعر/ صويان صالح الشويلعي الرشيدي

الموضوع الأصلي: ابوي يومن الليالي غدت سود | | الكاتب: الغربي | | المصدر: شبكة بني عبس