عدت اليكم باخر ماكتبت لعله يشفع لي عن غيابي
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
آه من همي اللي بالضمير انزوى= له زمانين في وسط الحشا منزوي
فز ذيبه على حدب الضلوع وعوى= والسهر صار من بين الجفون يعوي
يشتعل كل ماذعذع براد الهواء = نار في خافقي تكوي فوادي كوي
لاقبل الليل بحمول التعاسه ضوى= واسود الليل باشعال الهموم مروي
مد كفه لحرماني وجني سوى= واستون فوق قلبن للشقا مستوي
ضاريا للبلاوي واللقاء والنوى=محتمل جور وقتي وانهزام الخوي
شلت حملي على كتفي ومثلي قوى= لو وقتي يساعد حظي السودوي
من سال قال ضايق قلت مالك لوى= طيب ومن ينابيع الفرح مرتوي
آقف بعز واصرف للمعادي دواء= ابتسم لو تلويني همومي لوي
مانكسر باس راس(ن) شرب عز وروى =ورد عد المعزه عد ماه ارهوي
ولعنبو قلب لا زادت همومه ثوى=ينخدع في كلام الخاين البهلوي
مرقدي طول عمري في فراش القوى= خير من شبعة الذله وربي قوي
[/poem]
محمد الجريشي