بسم الله الرحمن الرحيم
السلام عليكم ورحمة الله وبركاته
مصافحه جديده اتمنى أن ترتقي لذائقتكم
اشره على قلب {ن} بغاه و تصبر = وأشره على وقت{ن} حذفهم عليه
و أشره على حظ {ن} ..تردى وقَصر = و أشره على جل الشعر والبريه
واشره على صاحب علينا تكبر = يارحمة الله كيف ينسى خويه
صد وصدوده بالمعاليق كبر = هم {ن} تلقته العواذل مطيه
كنت أحسب أنه للمعاليق قدر = وأثره يدورلي عذاب وشقيه
أهديتله عربون ورداً مُعطر = وأهدالي ورود الالم والأذيه
شفت القراح اليوم عقبه تَعكر = وشفت اللعانه والجماله سويه
ماعدت أميز بين منظر ومخبر = عندي تساوا شيخها والهفيه
ماينفعن وقفات وايل و شمر = ولا بني عبس الرجال القويه
مادام سمره بالمعاليق جمر = وابداء لي فراقه بنفسٍ رضية
برحل عسى قلب{ن} بغاه وتصبر = يدله عن هموم{ن} توزت خفيه
وأن كان للقيفان شاف وتدبر = فليعلم أني جاعلنه.. خطيه
يعلم الله أنها كيبورديه