اقتباس من مشاركة معيوف ابن زهيميل
هذا ردي على عتاب العمدة علي .............بهذا الرابط
ياصاحبي ناصر عتابك على ويش=معنى كلامك ماتحقق مراده
ان كان قصدك خوتي معك بالجيش= اقبل عتابك واتحمّل زياده
لاني نسيت ولو تعذرت .حتى ايش=ماتقبل اعذاري وهي فيك عاده
عودتني من كثر ماتقول لي ليش=لو شفتني متوسد ٍ لي عراده
اللي كتبته معك في شِقْرة الريش=طوّت اسجلاته حروب الاباده
والريح قفا بنؤ غر المراهيش=والارض ماتعشي عمود الجراده
اطروشكم معها مساري..مغابيش=ماذاق معها.غير شوك الكداده
لاظلم سماها سندت تلعة الهيش=لو ان ملها يم دربه عواده
والناس في روض ٍ من الوسم مانيش=واهل الابل كل ٍ توسد شداده
وانتم قضيتم وقتكم بالمطاريش= مدري تسمى حظ وألا قراده
واصبر وتأكل مثلها امرار وتعيش=اما شقاء وألا تنال السعاده
معيوف ابن زهيميل |
خربة الصداقه وانا اخو هههههه
معيوف عذره مايقنع تناتيش= مثل الهشيم اللي تطاير رماده
نشت طيب وحط ببلاكه الفيش= ومن شب نار الحقد تحرق فواده
غلطة عمرصاحبت ناسن دراويش= امطوعن ماهو بحول العباده
اللي ينتف لحيته بالمناقيش = شال الوقار وحط بعده سواده
اول لعرفه كلبونا معاطيش = واليوم حبل الوصل نقطع مداده
انجا هلا وانراح حتيش حتيش = ماحصل ٍ نقصن ولابه زياده
ماينقص المكيان غيبت خفافيش= ولا تنزل علومه رجال السياده
وسر البحر تعرفه كل الطواويش= وراس الفتيله بعده عن زناده
ومادام ماوصلت الى لقمة العيش = فيه على الاصحاب صبر وجلاده
واللي يدور في ربوعه تفاتيش=ماحاش خير الا العنا والنكاده