مجنون ليلى بقا للحب مضـرب مثـال
ليلـى تحبـه وهـو بالفعـل مجنونهـا
عاش بحقيقه وحلم وعاش واقـع خيـال
صحيح مجنون وجنونـه مـن جنونهـا
مجنون وان شافها يصحى ولا به هبـال
ياتي لها مندفـع ويطيـح مـن دونهـا
وبقاء على حبها ليـن ادفنتـه الرمـال
تمـوت فـي طلتـه ويمـوت بعيونهـا
وانـا ببقاءبـدرب الحـب قـولِ يقـال
بجدد القصـه اللـي قلـت مضمونهـا
في حب خلِ جذبنـي بالدلـع والـدلال
والشفه اللي يغـار الـورد مـن لونهـا
والبسمه اللي تجر القلـب جـر الحبـال
والخطوه اللـي يسيرهـا علـى هونهـا
كامـل بزينـه ولله الحسـن والكـمـال
الكامـل الله وخلقـه ناقـصٍ شونـهـا
بس انه من البشر ممنوح تـاج الجمـال
كنه خـذا حليـة الزينـه مـع افنونهـا
اخلصت له بالغلا والعشق سمح القبـال
واعطيته عهـد دامـي حـي ماخونهـا
واقفى وانا اقفيت عنه وفرقتنـا الليـال
وبقت بقلبي جروحـه تنـزف طعونهـا
طال الصبر والرجاء والياس والحال حال
ومل انتظاري ونفسـي بـاح مكنونهـا
لكن ابابقاء على رجوى اللقاء والوصال
رغم ان حبل الوصل مقطوع من دونهـا
الشاعر/ ابو وهيب العويمري