تواريخ وأرقام
اليكم جديدي ... عسى أن يحوز على رضاكم ... بدون مقدمات اليكم النص وفيه أقول :
الحزن كرمني شهاده مع أوسام = وزود(ن) على التكريم بشت(ن) حساوي
ياما حلمنا و أنخدعنا بالاحلام = وياما شكينا وأذبحتنا الشكاوي
حنى القلم عيت تصافيه الأقلام = حبره حزن يوم الورق كان حاوي
كني ابقفص يوم الشقا عمره أعوام = عصفور ضاعت حسبته بالدعاوي
طعنة قفا يوم الشجاعه بالاقدام = سبة غدر والسالفة ماتساوي
عزي لمن مثلي تواريخ وأرقام = ياما رجيت الوقت وأصبحت غاوي
حتى الصبر عيت تداويه الايام = شفني حزين وحيلتي بالرجاوي
ياهيه ياللي تاخذ اعلومي اشمام = أبشرك فرقاك خير العزاوي
........ وسلا متكم ..........
آخر تعديل بواسطة برق الوسم ، 17-07-2009 الساعة 03:19 AM.
السبب: تعديل املائي طفيف
|