السلام عليكم ورحمة الله وبركاته
صميدع راس حضر واللي عقد روس الحبال يحلها:
حمدا لله على السلامة يابوتركي مرحبا والله ومسهلا العموم ثابت واصرف تحية لقائد الاحزاب العبسية
مايسعني في هذه المناسبة الا ان احمد الله على سلامة وصولكم ياعمدتنا وازف اليك هذه الابيات التي اتمنى ان تحوز
على رضاك وجميع من يطلع ويقرا هذه الابيات:
اسمع وانا صميدع راس:
مرحبا ياعمدة الديوان من بعد المغيبه=واحمد الله يوم شفنا طلتك بعد الغيابي
شيخنا اللي ذاع صيته ياعرب قدام طيبه=جعل عين ماتحب الشيخ ناصر للعطابي
ابوتركي رئيس الاحزاب قايد للكتيبه=عنده الراي السديد ودايم قوله صوابي
ومعه حنكه معه فطنه فوق ذلك اله هيبه=وفيه حلم وفيه صبر وله قدر وايضا مهابي
عقبك العربان راحوا من على راس الرقيبه=كن في جو العرب من يوم مارحتوا ضبابي
وكثرت اللي ماتعرف المخطية واللي مصيبه=من يحطون الثعالب مع سراحين الذيابي
وكان كثروا يابوتركي حالنا هاذي صعيبه=من فعايلهم يعود شايب اللحيه شبابي
والغليم من فعايلهم يعود رجل شيبه=كل ماحقيت لي سيل ليا جيته سرابي
واحمد الله يوم عاد الذيب واطربني قنيبه=حي ذا العين وبعد ياحي والله ذا الشهابي
ذيبنا اللي حامين ضلعه ولايقرب شعيبه=من قرب يصبح ضحيه بين ضرس وبين نابي
وانعموا في ضل شيخ مارضي يوم الغليبه=دايم والنصر فاله ماذكر ياناس خابي
وركزوا ياهل العقول اللي بها عرف ولبيبه=كل ماصكيت لي باب فتح مليون بابي
وارحب ارحب يازعيم القوم في يوم الحريبه=عد مالاحت بروق في مقاديم السحابي
وسلامتكم واعذرونا من التنسيق.