السلام عليكم ورحمة الله وبركاته
بسم الله الرحمن الرحيم
هذه بعض صور حفل زفاف الاخ / نايف عايض الوهيداني
الذي أقيم في محافظة النعيرية في يوم الخميس 20/6/1428 الموافق 5/7/2007 ميلادي
وقد أحيا الحفل عدد من الشعراء للأمسية والمحاورة وهم كالاتي
الشاعر / غازي البراك
الشاعر/ محمد سلمان الوهيداني
الشاعر/ خليف خلف الوهيداني
الشاعر /عواض البلهان
الشاعر / نواف عبدالله الوهيداني
وشعراء المحاورة هم
الشاعر / سعد المحيش
الشاعر / عابد عبدالله
الشاعر / محمد سلمان
الشاعر / غازي البراك
الشاعر / خليف الوهيداني
هذا وقد ألقى أخ العريس الشاعر ملفي عايض الوهيداني قصيدة ترحيبية بالحضور وقصيدة لوالد العريس نيابة عنه وهي كالآتي
أنا أول جابتي ذكر الله أللـي يخـزي الكفـار=ولي العرش رفاع السمـاء كافـل معوشتنـا
عسى الله ينصر أهل الدين ويسلط على الغدار=يثبتنـا علـى دينـه تحـت رايـة حكومتنـا
عقب حرٍ رحل عنا وعقب في المكان أحـرار=يضدون العـداء عنـا ومقصدهـم سلامتنـا
عيال الشايب اللي جعل جسمه ماتجيـه النـار=مشـوا ممشـاه فينـا وإستقرينـا بنعمتـنـا
عسى ربي وأنا ساله ينجيهم مـن الأشـرار=علينـا حكمهـم جنـه ولا مسـت كرامتـنـا
هلا يامرحبا ترحيبـةٍ فيهـا فـرح وأسـرار=على من زارنا الليلـة وجانـا عنـد حفلتنـا
جميع اللي حضرنا من صغار السن وإلا كبـار=تعـم الحاضريـن ولا نخـص بهـا قبيلتنـا
نرحب بالضيوف اللي لفونا من بعيـد الـدار=نشرف من يشرفنـا وفعـل الطيـب عادتنـا
رجاجيل الشرف والطيب وأهل العرف والمقدار=لفونا مـن بعيـد الـدار والمقصـد زيارتنـا
رجـالٍ مالفونـا بالفلـوس ودفعـة الدينـار=على وضح النقاء من بينهم تمشـي علاقتنـا
وهلا يامرحبا مليون في مليـون فـي تكـرار=على من زارنا الليلـه وجانـا عنـد حفلتنـا
الشاعر / عايض خليف الوهيداني الرشيدي
