بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعر منصور بن صبح والشاعر ناصر خنيفر
منصور بن صبح
تعال ياناصر خنيفر وسمع العلم الجديد=والله يبارك باالرجال الي تحفظ علومها
طاحت نجوم باالسماء ويش السبب يابنا رشيد=اربع نجومن عند بحر السيف يذكر يومها
ناصر خنيفر
جينا بعد غبنا ولا نشت عن غيبت حميد = وين التحيه قبل تبداء والمعال اترومها
مافيه نجمن طاح والمولا يسو اللي يريد= واربع نجومن قلتها فند مسار نجومها
منصور بن صبح
يامرحبا بامرحبا ترحيب ماينقص يزيد=وزكا التحايا للرجال الي تعرف سلومها
علتك ياقلب الشقي تجيك من دم الوريد=فكر بمخراج العلوم وخل عنك قدومها
ناصر خنيفر
فيك البقا لونها جتني مثل مدن زهيد === لوقلتها بالاوله ماخطيت يازيزومها
اللي يبا يرجع على البده فلاهو مستفيد=== اهل الخطا لو حاولو كل العباد تلومها
منصور بن صبح
جتك التحيه وافيه ياراعي الراي السديد=لاتنتقصها نعرفك منته ترى من قومها
علمي ترى علم الوفا لاكن عني لاتحيد=اطلع على روس الجبال الي تويق رجومها
ناصر خنيفر
مقبولتن لونها رشت مطر من فوق حيد=== ماتروي العطشان لو قامت تهل غيومها
ماني محايد مار ماني عارفن مغزاء النشيد===وناسن متعرف وش هدفكم يافتى لاتلومها
منصور بن صبح
ترى الذهب ياصاحبي وسط البنوك ام الرصيد=لاكن تال الوقت كلن جاهلن برقومها
جتك الرسايل واضحه من عبر نقال البريد=عان السلع باالسوق قرب كان تعرف سومها
ناصر خنيفر
روح ونعرف وش يجيب النا النهار اللي سعيد=== اما غرقنا بالبحر والا البحور نعومها
ماجاني بوسط البريد الا الكلام اللي عنيد=== خلا عيوني من زعلها ماهتنت في نومها
منصور بن صبح
ياوش طرات الوقت يالولا السوالف والقصيد===السدره ام الدوم ماجوها يالولا دومها
جتك العلوم الطيبه والله على قولي شهيد====لاكن تجاهلت الرجال الي تسد لزومها
ناصر خنيفر
حنا تشرفنا معك بالعب وانت المستفيد ======= لاعبت شاعر من رجالٍ ماتكل عزومها
ومع السلامه والوعد بعدين باليوم الشديد ======= يومن يخلينا نعرف الذود ويش ووسومها