السلام عليكم ورحمة الله وبركاته
شلونكم شباب انا ابي اقول قصيد واخير حرف ينته منه القصيد الثاني يبتدي باخر حرف قلته انزين يلا تيتدي
المسابقه
الله اكبر والخطا المقصود مـا يدمـح بتوبـه
والمشاكـل دوم تاقـف للبنـادم عنـد بـابـه
والبنادم تحـت رحمـة واحـد يغفـر ذنوبـه
والبشـر كـل بقـدر عبادتـه يلقـى ثوابـه
ما خلقنا الله نعيشك يالزمـن عيشـه كذوبـه
ولا خلقنـا لليديـن الخاينـه ننهـب نهـابـه
انظلمنـا فـي نهـار عيبنـا نجهـل غيوبـه
والرجل لو انه آمن مـا يصـدق مـا جرابـه
ما حصل بثنين اغسطس من شروقه لي غروبه
يوم يبقى للعروبه جرح مـا يبـرى صوابـه
الخطا اللي ما تغفره بالحسـاب اكبـر عقوبـه
ما سعينا فـي لقـاه ولا سلمنـا مـن عذابـه
ابتلينـا والقـدر غـلاب والنفـس امغلوبـه
في سفيه ما يعـرف مـن العمـار الا خرابـه
ارتدى ثـوب الجهـاد وقـاد للظلمـا شعوبـه
يوم عجل فـي لقانـا عجـل الله فـي ذهابـه
بالردى خرب بلاده فوق مـا هيـب امخروبـه
زود صـدور الخلايـق مـع كآبتهـا كـآبـه
مجرم من خيبته يحصد نجاحـه فـي رسوبـه
كـن مـا بالحقـد درب للقلـوب الا مشابـه