سلام مني على الاصحاب وثنيها للاجناب=رديه عقب ماهل السحاب من الرعودي
باكر وعقبه على وضح لها بالجو ضباب ضباب=ان عشت وانتم سلمتو جيت للمر بانعود
قال مرشد
الله يحييك ياللي تفتخر في كل هنداب=ارجع سلامك وبين لك من الغاية اردودي
ان غبت عنا بحفظ الله وكل الناس غياب=ونصرت في خدنا نكرمك وفكارك شهودي
قال اللويحان
ذكرتني وقفت المرقاب يوم ان الهوا هب = الله يرحمك ياعود تحت شهب اللحودي
اليا وقفت قدام وجهي واحتزم لي شرع الباب = ياخذ نقوده ويدخلها ويعطيني نقودي
قال مرشد
ان كان حره بقلبك ويل انا جمره ومشهاب = اذكر سليمان ياليته بها الماقف يعودي
اخذ التياسير منا واستر المردود وان عاب = معلوم معلوم ماشوح الجمل مثل العقودي
قال اللويحان
والله مافيك حالب قي كل محلاب = تقبل مع المقبلين وصدعن راعي الصدودي
ان كان انا شفت شيبي جعله العربان شياب = ومن عاش مامات لابده ذقنه يعودي
قال مرشد
طاب حظه وتوفيقه على كل العمل طاب = والطبيب اللي ورا الهقوه اليا جرب يزودي
بعض الرجاجيل رجم مابظله حط مشراب = ومبينين على روس النوابي والسنودي
قال اللويحان
يابوعبيد رميت ابرميت ماجالها اسباب = ماهي ابرميت عداوه مير حركت الزنودي
تبني شراع الظليمه بس ماولمت الاطناب = هل الكيف تبني شراع بلا حبال ولاعمودي
قال مرشد
والله مابيدي بندق ولاجيتك بمشعاب = مير انت قلبك على الشكه عسى ماهو وقودي
ترا كثير النهايم تكتسب قولات وحزاب = ان رفيق المجابل وجتنب درب العنودي
قال اللويحان
اشره على صاحبي ماني بخمه خمه الداب = اشدراس الجدا واقف وياتيني سنودي
ماني سباب بكبر شيبتي ماني بسباب = الطيب ماله حدود والردا ماله حدودي
قال مرشد
وانا كذلك تراني عنبر يفرق بالاطياب = افرق مماش الثعاله وفته ممشا الفهود
وخضع الشرواك لو انه جلح يمي بالانياب = لجل لن خبري بنفسي ماتردا بك اجهودي
قال اللويحان
يامرشد الناس في شوفاتهم سارح وعزاب = المسعد المسعد اللي في مماشيه امحمودي
هذاك شاري بضاعه ونهزم وهذاك جلاب = ماهي ابشوفاتهم تلتم يالطير الصيودي
قال مرشد
احد شرابه قراح واحد من جوف مغراب = وحد سوات العسل وحد كما المر العقودي
وحد كما الصقر يشبع ناقله من كف مخلاب = وحد من السوق يشراله نقوره بالنقوري
قال اللويحان
المرجله للنشاما بينه والدرب ملهاب = مثل الطواريج تاردفوق راهيت العدودي
ماهوب يلحق بها القاصر ولو هوجس ابمطلاب =السيل ماهوب يطمر فوق طعموس الفوى